Astrojokoak

Partida bakarra falta da. Final handia! Prestatzeko, Harrikoskorren taldea Apolousera joango da, harmoniaz betetako planeta lasaira. Ezin hobea izango da erlaxatzeko. Bai erlaxatu ere! Galaxiako Gamerren aurkako topaketaren data ahaztu zaie, eta finala galtzear daude, jokatu ere egin gabe.

Suzko uztaiak, pailazo jantziak, hiru belarriko untxiak... Harrikoskorreko neska-mutilak magiaz betetako talde bati egin behar diote aurre.

Bat-batean kanporatuta geratu nahi ez badute, Pedrusco-ko neska-mutilek bi taldekide gehiago lortu beharko dituzte.

Harrikoskor taldearen galaxiarteko lehen partida Kretan jokatuko dute, zezen-estralurtarrak bizi diren planetan. Bicok eta taldeak inoiz ez dute erronka zailagorik izan. Okerrena da joko zelaia labirintoa dela, eta pauso bat eman orduko aldatzen dela.

Harrikoskorren, galaxiako azken asteroidean, bizitzea ia amesgaiztoa da. Ia bakarrik; izan ere, Bicori eta lagunei aukera paregabe bat eskaini diete: Astrojokoetan parte hartzea. Noski, lehenengo Lingote jaunaren androide tranpatien taldea garaitu behar dute.

Harrikoskortarrek partida erabakigarria izango dute Epikon, planetarik magikoenean. Truko guztiak dakizkien sorgin eta azti talde bati aurre egingo diote eta, gainera, euren adiskidetasuna probatuko duen borroka egin beharko dute. Nork izan behar du taldeburu berria?

Harrikoskorreko taldea oso ausart iritsi da lehen arerioei irabazi ondoren. Baina baliteke orain guztia zapuztea; izan ere, urpeko lehian, itsastarren eskuadra izango dute aurrean. Ur lasterraren aurka egin beharko dute igerian Astrojokoetan aurrera jarraitu nahi badute.