Ibaizabal argitaletxean 1990etik hartzen dugu parte Durangoko Azokan, eta ohikoa den moduan, urtean zehar argitaratutako Haur eta Gazte Literaturako nobedadeekin joango gara aurten ere. Aurtengo 59. edizioan, Artekale 01-08 standetan topatuko gaituzu, abenduaren 5etik 8ra.

​​​​​​Ipuinez, kolorez, abenturaz, literaturaz, fantasiaz eta istorio zoragarriz betetako urtea izan da. Horiek guztiak 2024 urte honetan nobedade gisa argitaratutako 50 album eta liburu bildumatan jaso ditugu, askotariko pertsonaiekin: haurtxoak, dinosauroak, ogroak, banpiro txikiak, katu detektibeak, adarbakarrak, gaztetxoak eta alegiazko pertsonatxoak, abenturei umorez eta ausardiaz aurre egiten dietenak.

​​​​​​Album eta liburu bilduma horiek ezagutzeaz gain, azokan abentura eder horien idazleak ezagutzeko aukera ere izango duzu, egun hauetan liburuak sinatzen izango baitira: Aitor Arana, Patxi Zubizarreta, Jorge Llangil, Imanol Etxebarria, Nerea Ansó eta Itziar Reparaz.

​​​​​​Ibaizabalekin Irakurriz bizi! Durangoko Azokan.